換番架自動波之後開始出發。去程我地唔行great ocean road, 行內陸會快d,順便去tower hill 睇下。其實我都唔知tower hill 有d咩。似乎冇咩旅遊書會介紹，只係知類似係d自然生態保護區，你入到去可能會見到d動物但係又可能咩都見唔到，要睇下你好唔好彩。
揸車揸到好肚餓都依然係行d細路，又唔係freeway又唔係town,好似冇咩好食咁。直到開到一個一d都唔大嘅油站，入左油，買左雪糕同著片充飢，又再開車開到去Tower Hill。點知……因為total fire ban所以冇得入？？
好無奈……之後我search番咩係total fire ban，原來佢地將個省分為幾個區。然後每日會因應個日既天氣(我諗主要係睇下有幾乾燥啦)，有需要時就會宣佈邊個區會total fire ban。total fire ban又真係咩fire都ban既喎，連大部份既BBQ都唔俾ga。至於點解total fire ban就唔俾入呢d公園，聽講係話因為怕如果真係發生山火既話，0向d公園就會好危險咁話喎……
既然冇得入去，於是我地就快快去下一站：port cambell。呢個係great ocean road上既一個小town，又係最近十二門徒石既town。仲有最重要既係，我地今晚係住0向度既。我地先去住個度check in左(仲俾我地lur到間大d既房，佢原本安排左間房係得一張雙人床，心諗大鑊，要孖舖真係有難度。好彩佢超好人之後俾左一間有一張雙人床加一張沙發床既房我地！)，settle down 之後我地周圍行下，去左附近個沙灘，仲好彩見到有supermarket可以買聽日既早餐。(原本係諗住買cereal既，但係之後見到杯麵就梗係忍唔住要杯麵啦 =P)
之後又行番去休息左一陣(開左好都耐車真係都好攰喎)。之後我地就去左睇十二門徒石喇。其實都冇十二塊石咁多啦，不過個境都幾靚。可惜係太多雲(唔知點解會total fire ban但係又多雲)，所以睇唔到日落。仲有另一體驗係，唔好擘大口！因為有超多烏蠅！
至於晚飯，去左motel個個人介紹既呢間餐廳。個個人講到真係好好好好食。但係我地就覺得……er... 好麻麻loh。除左呢個酒杯我就真係好欣賞……之後我地發現，雖然我地覺得d野唔好食，但係介紹俾我地個個人係真係呢度既捧場客黎ga喎。因為我地走個陣見到佢喎……
沒有留言:
張貼留言