No choice but, foodie trip again

第一次黎到印尼。同想像中好有出入。可能因為其實我呢兩個星期除左酒店同公司之外，都只係去過酒店對面個兩個Mall，朋友屋企同埋去massage。感覺良好。

最重要係今次酒店好okay - 住Mandarin Oriental喎。明明0向市中心但係間房真係大到嚇你一跳。仲要因為係兩年前先裝修過所以十分新(可惜唔記得左影相)。服務又超好。最緊要係，佢既餐廳都okay喎。呢兩個星期有五晚都係0向酒店食。一晚room service兩晚中菜兩晚法國野。間中菜就還可以，而法國野就真係唔錯。其實我係可以晚晚都食法國野既。間酒店location超好。馬路既另一邊就係兩個超大既mall。只可惜，呢度係印尼，唔advice自己行去，尤其係夜晚。(再加上個條路係有成八條行車線)所以我地僅有個兩次要去對面既mall，係要搭車去既，有一次仲要係塞住車咁去。

講開塞車，jakarta塞起車上黎真係唔係講笑，我地試過食完lunch之後返office個陣塞車塞左半個鐘(自此之後我地就唔係0向office入面食就係fasting)，又試過成45分鐘先由office返到酒店(但係明明朝早返工只係要10分鐘)。

除左塞車，0向車上既experience係……水浸！星期日個日下晝落大雨，條街就變成咁！住0向個度既朋友，對呢種水浸已經習己為常。

jakarta私家車多，public transport超唔發達，所以一日塞車塞到黑。不過0向每個月既第二個同第四個星期日定為car free day。今次咁0岩呢個weekend係第二個星期日，之前個晚酒店俾左memo同埋耳塞，我就冇用，諗住有d太誇張，不過原來因為car free day既car free個條路就係酒店隔離，一朝早好多人踩單車又有人表演，所以我八點幾醒左聽到個d聲就訓唔番lu。

0向jakarta既人有咩玩，local係只係得，去行mall同埋massage。行mall我就冇興趣喇。兩次去mall都只係食飯，massage呢，就仲共去左三次。兩次係跟個local朋友去佢平日會去既按腳，個半鐘，俾埋tips都只係港幣八十。抵到爛。第三次係book左酒店入面既massage，都係90分鐘，500蚊左右，不過係MO喎，仲要做完massage可以即刻返房訓。超爽！

講到食，local野其食都okay，east asian food 口味都唔差得太多。不過佢地太多炸野喇……今次除左MO入面既餐廳，值得介紹既有……

呢一間來自Bali既餐廳，食炸鴨。叫betek bengil - dirty duck diner。就0向MO後面條街。叫野食既時候其實有D猶豫，因為其實我唔係咁鍾意食炸野(唔計薯片)，不過食落，又幾好食喎。連埋佢D配菜都幾好味。

第二同第三間要介紹既係Social House同埋Potato Head。兩間都係pub加食野既地方，環境超靚，野食係……可以叫係多國菜啦我諗。野食唔錯。兩間相比，potato head既環境比較有心思，不過social house d野食0岩人多share，開心d。

呢杯係我0向social house飲既cocktail，叫tiramisu，好飲！

最後一間係呢間話係jakarta第一間paranakan food 既 kedai tiga nyonya。paranankan food 0向新加坡都食過，不過呢間餐廳個building原本真係人住ga喎。環境係好有……懷舊氣息。=P

Taipei Food Diary 2011 - take away

平日出trip都好少買野。但係今次買左好多好多野食番屋企。食到過完年都仲食緊！

先係要介紹一下我原本都唔識既呢個鳳梨酥。我個人係唔鍾意食鳳梨酥既。不過星期四個日食完lunch之後經過一間賣茶葉既。佢大大隻字話有呢個微熱山丘既鳳梨酥賣。咁我又去睇下睇下。佢話個日既鳳梨酥已經賣晒，如果要就要訂，到星期一先有貨。唔知做咩咁好興致又order喎。(其實我另外仲買左包乾蕃茄同埋牛肉乾，都好食喎！)星期一拎左之後試下，又幾好食喎。冇平日個d鳳梨酥咁甜，有番少少酸味。所以之後再去買左黎拎番屋企。

之後聽d台灣同事講，話呢個鳳梨酥都好出名。仲有其實好多鳳梨酥都加左冬瓜整，但係呢個就冇喎。

呢個真係買得過！

除左鳳梨酥之外我今次仲連太陽餅都有買。今次買既牌子係有人推介既寶泉。唔太甜。而且呀嬸嬸好好人(我地0向新光三越買)。我地話怕快過期佢即刻搵兩盒遲d先到期既俾我地。

第二樣買既係呢個千層蛋糕。話說我出門有問過妹妹想要咩。佢話要呢個。但係呢個蛋糕要雪，唔可以早d買梗係唔得。原本佢就改口話要我上次都買過既popcorn，但係我竟然0向之前都搵唔到時間去台北火車站買。但係好彩原來0向我地臨走前間popcorn0向阪急百貨有個counter；而且新加坡同事們早我地一個鐘頭機。0向佢地(同埋老細)走左之後我地都放工。我就去左阪急百貨買popcorn。買完之後仲有時間行下，又竟然俾我見到呢個千層cake。個嬸嬸一見就問我係唔係香港人，話可以拎到番香港。又0向我心大心細唔知要咩味既時候話佢地有十三款味，可以要十二款唔同既味拼埋做一個cake。

就係咁，又買左。

仲有原本我預到d cash0岩0岩好，買野呢個cake就得番100台幣。點知有人又同我爭俾去機場車錢，搞到我又多左千二蚊cash！

我去機場個陣，又有兩大桶popcorn，又有個個Cake，多野都暈。點知呀司機仲送我兩條金時代香頌法國麵包(呢個blog有多d相同介紹)。佢其實就唔係真係平日食開既法國麵包，不過我拎到番屋企到第二日都仲幾好食。入面有少少咸既奶油都幾得意。

原本呢有人仲叫我睇下會唔會買到呢個叫冠軍麵包。不過又要預定個包又係要雪所以我後尾都放棄左。佢有一個米釀荔香係2010年既冠軍；又有個酒釀桂圓。下次有時候先至一試啦。

Taipei Food Diary 2011 - eat in

今次與新加坡ju同行，試左唔少新野！有okay嘅有好好食嘅，仲有買左好多野食返香港...

Bellavita foodcourt

上次都黎過呢個貴婦百貨，不過今次先試個foodcourt。貴婦嘅foodcourt同citysuper唔一樣，佢係每間舖都有自己嘅地方serve客。不過最好嘅係佢其中一間we serve everything. 你可以坐0向呢個we serve everything既地方，個menu係集各個唔同既舖既menu。好似我食日本野但係呀同事可以食意大利野之類。價錢方面同香港footcourt差唔多，不過係就係冇咩特色。當然如果係去旅行就會搵d有特色d既好﹐不過我地呢d放左工都已經開始眼訓，如果又冇book到地方食飯既話，呢個一定有位又近酒店既地方都真係okay。

我既魚生飯加同事後面跟意大利麵既麵包

火鍋123
講開book位。咁0岩呢期天氣又凍，台灣又多出名既火鍋，所以我地都食左唔少。但係呢，有d火鍋真係好誇張，book極都book唔到位！最犀利係個間鼎王，我打電話去(個陣係一月中)，佢同我講一月份既晚飯時間都已經book滿左，除非係食夜晚十點！所以最後我地冇得試喇。另外我上次食過覺得好食既鼎旺呢，原本我地book到0向第二個星期既星期三食，點知個個都話已經火鍋-ed out左。冇得食。

最後我地有食到既火鍋係得三家。

第一間係天香回味。呢間唔係sell麻辣(不過都有麻辣湯)，個清湯底有d似小肥羊個種，飲都好好味。呢間連日本都有分店ga喎。

第二間係一品花雕雞。我知道呢間係因為之前有雜誌寫佢0向香港都新開左一間。咁既然去到台灣，梗係要去試下總店。佢個食法到幾得意ga喎。先係叫一盤雞，你食完盤雞之後可以叫d火鍋料，佢會再加湯你可以打邊爐。而佢加個d湯係真係原本d湯，唔係好似香港一般最多都係加d上湯俾你就算。而且如果覺得過咸你可以叫佢加d上湯整淡d都得。食得過。

第三間係非一般火鍋店，叫做一兵一卒麻辣火鍋。野食都okay。特別係環境完完全全唔似火鍋店。唔知係唔係因為佢價錢會貴過一般火鍋所以反而即日都book到位喎。

東區粉園
今次又食左兩次粉園。其實我唔係好鍾意食，因為食完真係好好好好滯。又唔知點解大家都咁鍾意食。食完飯都可以食得落一大碗。

度小月
遊客feel既台灣野。今次係第二次黎，都冇話一定要再黎loh。試過就okay啦。

brunch - VVG table
本來星期六brunch係想去joel既。不過咁0岩呢日佢地俾人包左場，冇得食。新加坡ju搵左呢間又係0向東區個邊既vvg table。個名都好okay。不過佢個全名同埋中文名呢，聽到即刻=_="。原來VVG即係very very good。中文名叫好樣餐桌。不過個地方都okay，可惜係我地太遲book位。已經安排到係好近門口一張檯。d人行出行入打開門都好凍。過個brunch都幾好食。連我係唔食椒既都食完左食紅椒。仲有係呢個area個feel有少少似裹原宿咁，好多細細間好似好得意既店。不過我地因為天氣太凍所以都係的士來的士去，冇0向度行街。

永和豆漿
星期日一早都好早起身，去食永和豆漿。豆漿都幾好不過我想話佢個油條真係好味。應該turnover快都有功勞，我地9點到去到已經有唔少人食緊，食完個陣d人仲開始要等位。真係好味喎！同埋我好欣賞點解燒餅油條會放埋一齊食。明明係carbs加carbs……但係我又真係叫左呢個黎食喎。新加坡ju要左蛋餅就油左d。同埋眼見'chi'飯都好似好正但係食唔落咁多野。呢一日最好笑係，我地一出酒店門口係搭的士去。點知食完之後又係同一個的士司機接我地，坐上車呀司機問我地食完喇？好唔好食？同埋我地只係一句話“返酒店”佢就知我地要去邊，好似私人司機，hehe。

一早就咁多人排隊

左下係我既油條加燒餅；右上係油條加蛋餅

tea time - aoki
上次黎已經知道aoki0向bellavita有間店。但係上一次因為時間關係冇得再去bellavita。所以都冇試到aoki。今次反而試左兩次！第一次係第一晚去完foodcourt之後。可惜呢，係個陣0岩0岩九點佢地要收工喎。所以我地竟然係得到“外賣”……用紙碟黎食cake……=_="d cake係幾好不過呢用紙碟仲要坐0向商場食又冇檯真係有d慘loh。

第二次係星期六個日同新加坡ju既tea time。原本想試之後講既個間smith & hsu。但係明明酒店附近有兩間店，打去問都係full booking。要到晚飯時間先有位喎=_="。於是我地又黎番aoki。今次我要左macaroon。因為佢話佢d macaroon係法國黎ga喎。不過呢，我覺得都係laduree好味好多！

tea time - smith & hsu
星期日個日食完個永和豆漿飽到暈，又眼訓。掛住訓覺miss左個lunch。於是又要食tea喇。唔甘心食唔到個個smith & hsu。所以雖然book唔到，都要walk in 試一下。竟然又0向阪急入面個間俾我地walk in度喎。但係因為太接近晚飯時間(夜晚仲要係要打邊爐喎)，唔敢食個個三層既tea set。只係食左兩個普通tea set。佢個scone都幾好食。另外個個cake就麻麻地。

佢會俾晒d茶葉俾你聞，可以聞完先決定要咩茶。真係可以玩好耐都諗唔到自己要咩茶。

三井料理
最後一個要介紹係今次食得最貴既一餐----日本野。貴，d野食係真係新鮮好食d既。佢呢個group有好多間店，我地食個間係有人介紹既咩三井美術館

有open kitchen ga！

海膽！

呢個魚生超好味！

龍蝦沙律！yum！

呢個蟹腳係我至愛。grill既。有d個入面都仲係生喎。超甜超好味！

呢個我就只係係咁意食過下，因為有骨而且我仲忙住食個蟹腳……

呢個main course係牛。又係超好味！入口即溶！

呢個係象拔蚌加魚湯。原本佢話會唔會要個煲有多d野食。即刻話唔駛，仲好彩唔要咋。飽到呢~不過呢個都好鮮甜！

人地last order仲有會多謝大家先至開始清潔kitchen喎。

唔駛諗都有好野食既台灣trip

呢個trip都真係唔知點解會咁唔得閒。都冇咩時間搵野食。但係呢最後都食左幾餐都幾好食既野喎。不過呢，當然唔係D咩好地道或者係夜市之類個D野食，因為我都唔好個D既。

Joyce cafe - 我地去個間比較近office (即係近小巨蛋個邊)，叫joyce west cafe。佢另外仲有間叫joyce east cafe。係食冇被localised既西餐，都幾好食。我要左個焗田螺同埋意粉。





佢個焗田螺d cheese超好味。又仲要好大份，食完之後我都已經飽左。可能因為已經飽左所以個意炒感覺只係一般。不過呢，價錢一D都唔平，出公數就okay，要自己俾就唔多駛去呢度喇。

如果要自己俾，我會要去Joel 多d。台灣呢間新開，0向呢個新開既 Bellavita mall。近新光三越個附近。呢個mall好高級，不過似冇咩人。



Joel既野食，梗好食啦！



我個好似得D泡既頭盤其實係有海膽同埋海膽味既類似Custard既野。好好味！



main course要左豬不過其實唔係好似我鍾意食既整法。
但係當然個薯容依舊係超好食！好飽都要食晒佢！





我叫既set冇dessert不過佢都有送個細細杯既complimentary dessert。同埋個tea有跟macaron。同埋我好鍾意佢個teapot(不過好重！)去joel真係好開心！





後來我上網search，原來佢basement仲有個foodcourt，同埋有Patisserie Sadaharu AOKI 青木定治！好想去試但係第二個星期晚晚都OT。冇得試！

之後一日去左Bellavita隔離既阪急百貨。佢個Basement又係有好多野食。我地試左呢間花月嵐拉麵，okay啦，不過不失。如果個陣已經知bellavita有foodcourt去個邊會好d。



不過呢，俾我見到呢度有個賣 mogoo popcorn 既counter喎。我都唔記得之前0向邊度見過呢個名，但係好似好出名咁而試食左都好似幾好食。買左岩燒海苔味同草莓巧克力味返屋企，大家都鍾意食喎！



要OT都要食飯(不過我真係有一日冇食到飯)，有日夜收工就睇下Office附近有咩食。去左試一間一人一鍋，不過我真係唔記得佢叫咩名，原本會去主要係因為難得佢收十點鐘(我地去到個陣都成九點loh)。只係佢裝修好新同埋睇得出d野唔係平野。但係食個一人一鍋計落每人二百蚊港幣唔駛，有一個d菜超靚既菜籃，一個小前菜(我個個係熱情果醬既木瓜沙拉)，一碟肉(我要左牛肉，我仲加左個手打花枝)，，仲有飲品(有鮮果汁喎)同甜品，我地咪覺得抵loh。不過都係個句：太多野食，飽到行唔郁。





0向呢個一人一鍋既同一條街，我地見到有間話自己賣天婦羅。有一日lunch我地去試，原來唔係天婦羅，係佢地所叫既甜不辣，即係好似關東煮咁。好好食！最好味係個湯，仲有得無限添飲！我地都一個星期食左兩次！



第二個星期三個日呢係兩餐都同Business食。話就話係同business食，但係食得好開心喎。兩個地方都係business d 人諗既。lunch係0向office附近既ikki懷石創作料理。超近office(不過佢都好似有另外既店)，係食日本野loh。d野好精緻仲有我食到好耐冇食過既朴葉牛肉！yum！









夜晚我地去左食鼎旺麻辣鍋。我之前只係聽過鼎王麻辣鍋，係連鎖店。不過呢間係只得一間。我未食過另外個間當然係冇得比較，不過呢間好好味！雖然係麻辣但係都唔算好辣。最好味係要油條吸左湯之後好好味。佢仲有個好出名既雞腳小食不過我都唔係好想食=P……聽講原來仲可以買牛肉麵，佢會用佢地個湯底加麵加牛肉，聽到都覺得好味！不過呢間係必定要訂位！