尋日明明total fire ban，今日竟然落雨！仲要落極都唔停！但係落雨都依舊要出發。今日既行程係沿住great ocean road一路番melbourne，途中睇下有咩景點就睇下loh。
離開左近port campbell既個幾個景點之後，雨又大，d路又彎。今日一開始係我負責開車先，坐隔離個個日仲要話眼訓要訓陣。真係啞晒。要知道天雨路滑路又彎，我開得唔快時仲要睇住有車追上黎又要搵機會讓路。好忙。仲要有度好鬼大霧。好彩大霧左一排之後搵到可以食野既地方，有得抖抖。(不過行呢d路都好好玩！)
食完野之後換更。不過都因為轉為車手開車既緣故所以miss左個景點，哈哈。但係我地都冇諗住要番轉頭。因為都唔知點可以番轉頭=P
之後再經過左呢個waterfall之後，天氣稍為轉好。我地仲一見到有海邊又冇落雨既時候，要停架車0向路邊黎影下相。
之後我地經過過幾個小鎮，其實都冇咩好睇loh。因為我地又唔係話去海灘(而且天氣又唔好)。
黎到臨番入melboune之前一站 -- geelong。呢度個海邊，整左好多呢d好得意既公仔。
之後呢，我地就黎左呢度dinner。呢度都幾多人ga喎，好彩都有位咋！仲有呢，D人都唔係好似我地咁著Flipflop黎ga loh =P
先黎左生蠔！之後個個係我個main，我仲另外要左兩隻蝦，但係呢，我食第二隻個陣失手，成隻蝦飛左落地，“side”晒！但係呀waitress行過執走隻蝦個陣好好笑咁講左句：真係好生猛喎！笑死左我。
之後呢，我地又番去causeway 353 喎。但係我地為左搵個有discount既停車場(間hotel自己冇carpark但係如果停佢suggest既carpark會有discount)搵左成個鐘，途中仲落車搵喎。又最後見到個停車場但係0向對面馬路(啞晒)。好彩0向兩條路中間係meter位，又咁0岩有個係吉位可以穿過，如果唔係真係仲要幾耐先可以抖(要知道個陣成個鐘都泊唔低架車呀車手已經有點兒燥 =P)……
沒有留言:
張貼留言