根據尋日嘅經驗，今日嘅city walk應該可以以步行完成。我地一早先行左去左Calrton garden。話就話唔係好遠，但係呢日都幾熱。加上又烈日當空，行到去都幾支力。個度都唔係有d咩睇（不過之後我再睇番旅遊書，原來有個唔知咩博物館响個度），所以稍為休息左一下又開始行。
行左去queen elizabeth market. 嘩成個market都係賣蔬果鮮魚同雜貨。行左一輪，都冇咩收穫，個度食野嘅地方又唔吸引，於是拿拿臨走去搵野食。
响無旅遊書介紹嘅情況下去左一間就對住olivia dept store食西餐（我唔係好記得係唔係食意大利野，所以都係叫住佢做西餐先
啦）。
食完之後，我地決定左，先返酒店休息一下。（超懶！不過中途我地都有順路咁行左一兩間舖頭）唔知點解返到酒店又唔係好覺支力，於是我地好快又出去，搵左間coffee shop坐。
一直坐到晚飯時間，我地先出發去食晚飯。呢一日係食北京填鴨！係呀同事介紹嘅。呢個同事好嘴＂雕＂，佢都話okay嘅話都應該真係好食，所以雖然要特登搭車去都要試下。
呢次係唯一一次我地响melb搭交通工具，就係佢個d個樣好似輕鐵嘅tram.上左車之後要响車中間個machine度買飛，但係要揀去邊個zone。我地得個地址鬼知係咩zone. 好彩有人見我地超呆幫我地咋（仲問我地係唔係學生有特價@_@）。仲話我地知原來拎住張飛，回程個陣過左六點就唔駛再買飛，可以免費搭車。
去到餐廳位於個條街，都幾荒蕪下喎，無幾多個人又d舖頭都好似無開咁。好彩間餐廳都好易搵。
呢隻就係找地食既鴨喇，兩日人食左一隻鴨，好勁。仲要係三食喎。除左片皮之外仲有鴨絲炒芽菜同埋湯！
食個陣仲有個笑話，話說呀師傅過黎片鴨個陣巿問我地之前有冇黎食過。我話冇啦。點知佢將呢個答案解釋為我地冇食過北京填鴨，於是佢好詳盡咁講左我地知北京填鴨既食法。之後見我拎起筷子食，好似好surprise咁同我講筷子唔係咁容易用……激死……點知話口未完條青瓜就跌左出黎……之後仲得到一句“你睇……(我都話ga啦……)”
沒有留言:
張貼留言