呢幾日我食左d咩呢……
星期二lunch係office附近食港式點心。夜晚去左八佰伴上面食野，又係港式既。
星期三去左浦西既branch，lunch去左對面既功德林食麵，只係RMB13一碗，抵食，d麵都幾好食ga。後來先知原來入面係有個佛像，有人會去拜ga，不過就唔見到。夜晚去左浦東Shangri-La食buffet，都係一般buffet啦，不過d甜品好靚，放到好似珠寶咁……
星期四去左另外一個office，咁0岩就0向家下上海最高既building - 環球金融中心。所以去左佢個basement度食lunch，呢度個foodcourt比起citysuper個個又或者係金鐘seibu個個都要靚，而且野食都係中環價，我食左個烏冬係RMB70，同事個個Pizza係過百ga！不過野食都ok，呢個location我諗都算抵。(仲有，呢度係好多好多日本人ga loh)。夜晚去左新天地，但係因為有個同事今日要食素，最後我地係去左食泰國野。
星期五0向office bldg度食，又係港式點心。夜晚因為要遷就一個老細搭夜機走既關係，我地去左佢住個間酒店，intercon...食buffet，不過呢個buffet就同shangri-la個個差得遠喇。
黎到weekend先最開心。起得身黎都唔諗住要食早餐。首先係去左同事個男友介紹既El Willy，呢度應該係以前法租界入面，好多都係舊bldg。
冇make reservation不過我得到最後一張outdoor既檯。outdoor好舒服(家上依家又一d都唔熱)，好彩坐到outdoor，indoor冇咁靚，比較一般。呢度係食西班牙野，二樓係食高檔壽司但係只開夜晚。我要左個brunch，好多野食，我最鍾意係個凍湯...
食到好飽之後，0向附近行行行直到自己都唔知自己行左去邊之後，就搭的士去做massage。
做massage個度係0向新天地附近，所以做完之後我又行左去新天地(途中我懷疑我係遇到一個香港好出名既化妝師)既TMSK食左個tea (其實都只係一件cake啦~)
夜晚meet左同事去左南京步行區。由於唔係好知邊間食店係好食，最後係行到我開始黑面先“決定”到，去左一間係食上海野既，好似都係老字號。佢分三個“區域”，第一個係外賣d糕點同粽，見到有超多人買，另外地下仲有係食包點同麵。我地上左二樓，二樓係好似平日酒樓咁，係有小菜叫既。叫左個炒蟹粉，味道ok，而且極大份。
星期日，晏晝又係自己既“自由時間”(同同事連續咁多日日日都見住又日日都一齊食飯係真係會癲ga哩)。晏晝我去左一間叫JIA既bouquet hotel，佢有間意大利野。
去到先知原來brunch同普通意大利野係分開既，因為我冇訂位，所以食唔到個brunch，就去左點a la carte個邊。呢度真係幾靚(有朋友話佢男友係有份設計，所以叫我黎呢度睇下~)。
d野好好食！我鍾意呢度既野食多過之前個日既西班牙野。
好貪心咁要左個assorted冷盤，一個露筍帶子湯，一個南瓜risotto，仲有一個tiramisu。加上一坐低佢俾既個兩件熱烘烘既麵包，差d飽到行唔郁。但係又真係全部都好好味！而且d service係0向咁多度最好ga loh，比起尋日lunch個度要好，可能因為客人唔多啦。d waiters同waitress都好醒目，基本上係唔駛特登叫佢佢都知你有野要搵佢。可以再黎，不過要係on expense先可以黎，因為真係一d都唔平。=P
夜晚又去左新天地，食好出名既新吉士。我就覺得，d野食係就係okay，不過又唔係真係話好好好好食loh。總算係0向度食過一次啦。
星期一 lunch去左holiday inn食日本野，竟然都唔貴喎，d set lunch都係五六十蚊。最後一晚就只係0向酒店食中菜。Last一餐，星期二lunch係starbucks，呢度既starbucks d野真係一d都唔好食……
沒有留言:
張貼留言