再遊杜拜

今年的第二次。可惜係上次已經把所有的“遊客必到”都差不多去過了(餘下的都沒有興趣)。



幸好今次在杜拜工作的朋友剛好有空，於是我同新加坡同事，同五個在杜拜工作的香港人一齊去了Al Ain。


Al Ain，係另一個city。據聞係咁多個emirates裡面greenary做得最好，dubai同abu dhabi都太城市化，呢度比較有番d特色。今次既行程係Jebel Hafeet同Al Ain Zoo。不過因為有人又話唔駛地圖要用感覺去Jebel Hafeet，所以我地係行多左唔少路(我既意思係架車行多左唔少路，我只係負責坐0向後座忍笑~)，同埋加遊左一個行程：一個一d都唔大但係個門口d車泊到四圍都係既mosque。


到左Jebel Hafeet已經過左食lunch時間，Jebel Hafeet係一個石山，係全個UAE既最高點。唔知點解0向沙漠會有個咁既山，不過呢D光禿禿既山，加上侵蝕而成既形狀，確係幾形。可惜係唔知點解我影出黎既相都唔係好形…… =_=" 大家話既然望落去係一片平地，照道理應該會望到杜拜個d好高既大廈，不過係見唔到既。

去完Jebel Hafeet之後去左附近一個park，我地冇落到車不過見到好多人0向度野餐……(其實應該停低映一映相，因為遠睇既Jebel Hafeet其實型好多~~)


離開Al Ain之前我地最後既一個景點係Al Ain Zoo。去完非洲見到d動物有咁大個公園住，黎到呢度見到d動物就慘喇，活動既地方得個少少。最可憐係一隻owl，又冇咩地方飛d人仲要用flash黎映相，超慘……仲有，我地每人俾左AED15入場之後，發現有好多人都係由一個特別通道唔駛錢咁入去ga loh，唔怪得之個動物園好似銅鑼灣咁多人啦~

回程既時候0向highway見到有警察，仲以為係咩事，原來係唔知點解有隻駱駝走左上highway，好彩佢係0向highway中間個個冇車行既地方跑……同埋見d警察追佢真係幾好笑，但係真係唔知可以點捉番佢loh。朋友話見到駱駝最驚。撞到佢就大件事︳第一係因為駱駝好貴，而且如果撞低佢，佢咁重，一訓落黎架車就冇喇。我覺得見到隻駱駝0向highway上面跑好睇過動物園好多！

今次黎杜拜，去同走個兩日都咁0岩有沙暴。個天有d似香港大霧咁，不過大霧既香港係灰藍色，沙暴既杜拜係淡泥黃色。同埋係真係feel到有沙吹埋黎，要半hip埋眼黎行既~


link to photos