Other than eating

今次酒店住Eton，0向浦東，真係唔錯。我住32/F，面向浦東一大堆商廈，包括上海最高既大廈。第一晚就已經好鐘意因為間房好多燈。雖然我冇一次會開晒所有既燈，不過光猛真係會令人安心d ga嘛。間房個size係optimal size，洗手間同張檯又夠大，書檯張椅都好舒服，仲有連平日我最挑剔既水煲我都覺得okay。同埋最緊要係有free internet。另外個team人住0向個間距離公司近少少(不過都真係少少，係咪都行唔到返工)，但係冇free internet，同埋有人都話係eton好d~



星期五個日放工之後原本諗住係同個個會搭夜機走既老細去食飯，點知原來呀老細有比食飯更重要既野做：去買假野。於是我地就去左個個叫上海科技館既地方。但係我地唔係真係去科技館，而係去左地下街。個度全部都係假野。我同個三個男人一齊去，最後得到既畫面係我去到邊都搵個地方坐住等個三個男人loh……行左個幾鐘真係腳都跛(要知道我係著住高跟鞋，拎住個重到死既電腦同埋一個都唔算輕既手袋……)。不過都算係到此一遊，如果唔係佢地我諗我黎十次上海都唔會黎呢度loh……

上次黎既時候記得好多traffic，而且一d都唔易截的士，真係要好aggressive先搭到的士ga。但係今次就唔同喇，一街都係的士，都唔駛點等。而且d的士都唔會拒載lu(不過今次都遇到一次~)，可能真係市道唔好啦。的士又平，又容易搵，所以我都係冇試過搭地鐵...

我諗上海同紐約最似既地方係，要肯定的士司機知道你要去邊，個個地方名唔重要，但係你最好知道個街名。例如我住既酒店係浦東大道x東方路；office係福山路x浦電路，如果唔係，有一半既機會司機係唔知你想去邊既，除非個地方係出名如豫園或者係新天地。仲有，搭左咁多次的士，都係覺得“大眾”既的士司機比教好，車入面一定冇煙味，開車冇咁狼同埋比例和善一d~

今次weekend冇去玩(原本係想去西塘既，不過最後都冇去到)，好彩去左做massage(我諗黎上海最好都係做massage)。話係massage，其實我request左推拿。都幾好喎，唔會搽野0向身上面，同埋最好係著住衫ga loh~星期六做完75分鐘，星期日要再encore。做左兩日真係好舒服~~

食野既時候見到支Olive oil上面有個咁既warning，問你驚唔驚……
"意大利生產原裝進口，請勿隨意丟棄空瓶"