Tanzania

0向Tanzania去既地方唔多。因為每日既行程係0向酒店食完早餐就行去公司(一分鐘路程~)。如果要去branch就坐公司車。由branch返酒店又係坐公司車。lunch我地都冇話出去。而夜晚因為酒店話最好唔好自己出去，所以都係0向酒店食晚飯(咁0岩個日我有胃口食既話)。


係有點兒悶到暈。



唯一有去過既地方係酒店附近既海灘，仲要係放工返酒店既時候請司機兜我地去睇下。冇咩特別，不過係一個對住印度洋既海灘loh。

出發前去左衛生署既港口衛生署打針，當時醫生話好多傳染病都係由蚊傳播，所以要著淺色長袖衫同要搽蚊怕膏。同事去非個邊又話落機前冇搽，都未到酒店就被咬喇。但係反而我去到又唔多見到蚊，烏蠅就有唔少。本來我地餐餐都冇出去食飯都okay，只係0向office開會都有隻烏蠅飛黎飛去就有點兒令人分神。之不過有一日個CIO好好咁話要同我地一齊去食lunch，就帶左我地去一個露天既地方。仲要話因為如果order要好長時間，不如都係食buffet。嘩嘩嘩，雖然佢地0向d食物附近都點左d唔知咩蠟燭(我諗係要黎驅烏蠅既)，但係你見到附近有d鳥蠅飛下飛下都唔開胃啦。唯拎左一碟主菜，頭盤同生果甜品就真係唔好搞喇。食既時候又要傾計，但係又要留心唔好有烏蠅飛埋黎，都幾高難度 =P

不過講開蚊怕膏，由於太痴立立既關係，我去到kenya都只係係咁意搽下就算。而長袖衫……其他新加坡同事都係著短袖衫ga loh……好彩都唔係話真係好熱，如果唔係就真係蠢左喇。

其中一種由蚊而傳播既病係瘧疾。因為冇針打既所以我地係要日日食住藥。不過感覺上當地人覺得呢個病好普遍，有一日我0向個branch到，有個人話佢今朝唔係好舒服冇返工去左睇醫生，咁我問佢醫生話佢有咩事啦，佢好淡然咁話，佢話可能係瘧疾……佢個答案感覺上係我話你知我感冒一樣……不過諗番起上黎，既然呢個係個度流行既病，咁佢既反應都好正常既，而且，感冒都會死人ga0者……