Tanzania 的奇遇

首先要介紹一下：坦桑尼亞既首都係叫Dar Es Salaam。不過我唔知中文係點叫，唔好問我(定係之前新聞講呀邊個邊個去坦桑尼亞既時候有提過個地方名？)

要講呢個我第一次既非洲之旅，就要從機場開始講起。

同同事O一齊由香港飛去杜拜，之後0向杜拜機場候機室訓左三個鐘，同事打PSP亦打足三個鐘之後，同事上左去肯雅既機，我就獨自去搭去坦桑尼亞既機。阿聯酋既座位安排依舊係奇怪，明明有好多吉位但係又會要你D人坐埋一齊ga喎。不過呢程我都冇諗住訓，而且坐隔離既又唔係大肥佬，所以位都冇掉喇。

一落機……嘩熱到呢……晏晝最熱個陣個機場冇冷氣又悶又熱，我都未行到去immigration就開始出汗喇。過immigration既時候基本上我d汗係唔停咁流……0向個條人人都係圍住佢既行李帶度等左好耐(因為係得兩條行李帶但係得一條用緊，而行李帶既長度同香港既比，我諗都有香港既三分一咁長既~)……都唔見我件行李。好奇怪，話晒都係business class，就算唔係最快都唔係最遲先出黎呀嘛？等到有d忟，先見到原來件行李一早就出左黎，不過d人將佢放埋一邊，又因為太多人所以我睇唔到loh >,<

然後出晒汗既我就推住個架行得唔多順既行李車諗住過海關啦。點知佢又要個個人都開個行李俾佢睇喎。到我既時候，我出盡力都fing唔到我個行李上檯(因為，我個行李係有成32kg =p)，fing左幾次fing到無力，但係佢都係唔會幫你，係咁睇住你fing ga喎。最後終於都fing到上去，打開個行李之後個個日comment左句：咁多野食(係因為我個行李有1/3都係野食……)就話俾我走喇。

咁我諗住行出去啦，點知俾另外一個人截住又話要check喎。我同佢講話已經check左，佢就同我講話佢係第二個department既。佢要我又將個行李拎上另一張檯，我只有同佢講話我已經冇力拎喇。佢見我唔係好郁，唯有話佢同我一齊拎，咁我咪0向佢拎個陣扮有份幫手搬loh。開左個行李，佢就開始同我講話d野食唔帶得入境。(咁我就開始好唔耐煩喇，d野食對我黎講好緊要ga喎)我話d 野食係我自己食，又話d野又唔係生野，冇理由唔得。佢就話佢地個regulation係話唔得。我問佢個regulation0向邊，佢就唔知0向邊搵左本野出黎。我企0向個度睇左一輪，同佢講佢個regulation係針對人地入口食品作商業用途，佢又話唔係(其實個regulation唔係好清楚咁寫明，我都係夾硬左少少)。0向我開始蠻不講理既時候我就大聲問佢點解唔個個人既行李都睇，好多人都會帶snacks……

僵持左一陣，我都係忍唔住問佢一句：咁你想點呀？呢句說話佢似乎等左好耐。佢話叫我入房見佢個supervisor。嘩佢講下笑好喇，入房？又唔知會屈我d咩。所以我好乞人憎咁(係我都覺呢個行為好係自大既香港人先會做既~)同佢講：我行唔郁喇，有咩你叫你supervisor出黎同我講。然後我就坐左0向架行李車度望住佢。

大概佢冇咩見過自大既香港人，所以佢呆左都唔知點好。最後佢見我坐0向度又唔肯郁，就叫我走喇。(都唔知呢d叫怕麻煩定係叫欺善怕惡)

早我兩個鐘到既同事就冇咁好彩。明明佢係唔駛visa入境，去到竟然俾佢地話佢要visa，入左房話要收usd150做visa。同事又講到價，最後話要usd100喎。

呢d咩地方黎ga……

P.S. 自從個個都話我太大膽之後，我諗我下次都係唔會咁膽搏膽loh...。其實，如果唔係個陣好熱+好攰=好蚊再加個d係最重要既野食又加上我都知個度d人係鍾意呃錢，我都唔會咁勇gua……