Budget tour =P

第二次既杜拜之旅。



第一件最重要既領會係：呢度d野真係一d都唔好食。上次都唔係咁覺。我諗係因為上次係ramadan，大部份時間都冇唔係好多野食可以選，所以都唔係咁覺。但係今次就好覺loh。d野又貴又唔好食，尤其係個餐0向酒店食既日本野，真係唔掂。其他當地最多似乎係buffet，我又唔鍾意食……我酒店個個中菜都okay，可惜佢用既米係當地個d長長瘦瘦又乾身既米。最初幾日lunch我地order french collection都幾好食(尤其係佢有all day breakfast)，不過d small king嫌佢太貴後尾就冇order(其實都唔過$100一個人，杜拜黎講唔算貴啦，最緊要d野食okay嘛……)。日日聽住d small king話呢樣貴個樣貴真係頂唔順，你下下用新加坡價錢黎比就咩都貴啦。



不過今個trip都幾開心。0向 weekday同weekend都玩左唔少野。首先係第一個星期我地有一晚搭左的士，諗住去海邊可以離遠望下帆船酒店。點知的士行行下佢就開始落雨，我地到左海邊個陣仲要係最最大雨loh。我地唯有車都冇落就原車返酒店(而雨亦都0向我地番到酒店個陣就停喇)。之後同住0向個度既朋友講起，佢話我地遇到大雨應該開心先係，話晒都係沙漠地區嘛~~



星期五(因為呢度既weekend係星期五同星期六，唔係星期六同星期日)我地首先去左中東王子(其實係個個0向杜拜住既同事)介紹既Palm Island上面既Atlantis酒店。我地0向入面個間最經濟既意大利餐廳食左個lunch，但係因為佢個Lost Chamber要成AED100，我地就冇入去喇。反而唔知點樣俾我地行左入佢個private beach，遊完個private beach同個lobby之後，我地就轉去shopping喇。



Atanis仲有個水上樂園，佢有個滑梯好得意ga，條滑梯其中一度係0向隧道裡面，四周其實係一個大魚缸，可能你會見到幾條shark0向你左右……第二個星期中東王子知道我地有去Atlantis，就問我地個水族館點，我地先知原來唔駛俾錢入the Lost Chamber都可以睇到個水族館……我地不停話佢一早講清楚。最後week two其中一日放工之後佢被迫用佢架S-Class載我地去=P



講番shopping先。我地先去左the Dubai Mall。呢個mall係舊年新開，有個話係最大既水族館(箱？)，呢個mall都幾好行，雖然正值dubai shopping festival，度度都大減價，但係我都冇買到野。之後我地去左mall of emirates(即係有得滑雪個個)，呢度上次我都黎過，今次反而覺得呢度太細(又太多人)，而且我又已經行到好攰喇。