今年最後一個trip... 又係最後一個biz trip...又係今年最後要lead既一個job。
講到尾，Seoul都係冇咩好玩。除左行街同食野之外，都冇咩0岩我。行街都唔可以算係好0岩，唯一okay既係食野loh。
韓國野真係幾0岩食，雖然有時係辣左少少，不過因為天氣凍所以都好ok。除左一向有食開既石頭飯，人參雞，火鍋之外，今次韓國同事介紹左兩種好好味既野：第一樣我以前都聽過，係一個火鍋，除左泡菜同菜之外，有腸仔同午餐肉，加埋即食麵真係好好味(d無益既食物唔知點解總係好好食)！第二樣又係一鍋，一開始既時候個鍋入面有八爪魚，泡菜同年糕。食完d年糕之後可以加飯同叫佢俾d紫菜，煮成既飯先係最好食。最好食係同我地一齊去個個local auditor，佢整到d有少少飯焦先係最最好食！
除左食正餐之外，我唯一食過既小食有0向街邊賣既煮年糕(睇落好好味不過食落普通)同一個好好好好味既炸包。個一檔0向我地住個度附近，成日都有好多人買ga，有一晚仲見到未到十點就賣晒，有人想再買都冇lu。個包成個都係油炸，其實都幾油下，不過好好食！(尤其係天氣咁凍……)
除左食野之外，韓國人仲帶左我地去karaoke。韓國既karaoke同新加坡既有d似，要拎住本書入number。但係韓國人0向karaoke係玩得好high，會跳晒舞。
第一個星期玩得開心，第二個星期即刻死晒。除左因為第二個星期開始好緊張，而我老細又出現之外，最緊要係星期二開始就病左。據估計係因為我地第二個星期個個translator本身都有d病，然後我地星期二飲個杯咖啡唔知係唔係d奶有問題，個日都未放工我個肚就開始痛。放工之後去食飯，都未order我就痛到要走先。但係又訓唔到，最後要食panadol先訓著，一直到左星期五先好返……星期三四兩日都攰到個頭都無力抬起，要放0向個椅背上面黎做野loh……真係……禍從口入 =P
懶得再post相：
Link to pics
沒有留言:
張貼留言