發現新大陸 - sydney DAY 1

之前一晚到左sydney，去到酒店check in settle down 都係時候要訓。本來今日係可以晏D起身，但係因為Check過天氣，之後兩日Blue Mountain既天氣都唔係好穩定，所以決定改行程今日去blue mountain。不過其實坐火車去既時候都又有得抖……我地先去到(如果我冇記錯既話)katoomba。0向個度買左個blue mountain explorer bus既pass (係最方便既hop on hop off bus)，再加埋one-way skyway (即係cable car)，應該係最多人買既一個combination就起行(仲0岩0岩趕得到架巴士-- 巴士係半個鐘一班ga！)

身為領隊(係我地係得兩個人但係我係身兼導遊領隊加半個司機2.5職)我決定就咁跟住Explorer bus既其中一個suggested route行。我地先去左搭cable car。等車期間見到呢d似乎係出名但係我已經唔記得左佢地叫咩名既鸚鵡(明明我當日係記得ga！)。



上到山，呢個就係最出名既three sisters喇。又係個d三姐妹變做石既故事啦。話係呀魔王要捉呀三姐妹所以佢地爸用法術將佢地變做石避過呀魔王。但係呀爸俾魔王殺左所以冇人變番佢地做人喎。


佢仲有條路行去呀三姐妹度ga。巴士司機話行百多級會去到一個位，之後就唔駛再行因為冇咩睇，可以番轉頭，不過我地好似行多左……我又熱死左。





之後呢我地又搭番Bus，去左下一個check point Honeymoon lookout。不過落左車就後悔喇。因為呢個lookout都冇野睇既！冇野做都要等半個鐘先有下一架巴士！仲要等等下落雨(落雨又好凍！)。仲要黑仔地遇到露體狂！=_=" 我都係次次同呢個朋友去旅行先會遇到咁多古怪事。

之後我地去leura呢個鎮搭火車番sydney。可惜係d鋪頭都已經關門。等火車既時候搵左間cafe坐左陣，呢個時候反而係因為好凍要飲熱野。仲有！竟然俾我地又見到呀露體狂架車(會認得完全係因為佢架車既顏色真係好唔掂)，真係走都走唔切。

番到sydney已經天黑，我地去左呢間0向火車站附近既日本野。都唔錯！(行左一日好攰！)