First time to India!

我既同事們都覺得好神奇既係，我做左成兩年半先第一次黎到印度。可惜第一次黎既係除左一眾會出差到印度既人以外大家都覺得好陌生既Chennai，因為，呢度係零個旅遊景點既。(其實都唔係，好多做bank既人都知道chennai，因為呢度係一個出左名做Hub既地方！可能你既咩咩銀行戶口咩咩信用卡戶口，都會經過呢度！)

好。講番個trip先。黎呢度既準備工夫比起去非洲既少好多。雖然我聽講有其他firm既人去個度出trip前都係會搵醫生打定d預防疫苗，但係我地就冇呢個practice。另外我今次都帶少左好多野食。最主要都係拎左d零食去。

Taj Mount Road

我地住0向一間只係開左一年既taj。因為係新既關係，都真係okay。坐0向天台pool side旁邊，真係唔會記得自己係0向chennai ga~



不過呢個酒店有一個令人好激氣既事。話說佢有一日send左個notice出黎話星期日朝早八點會有yoga class。一心早起諗住去上堂，點知佢話原來個class係六點(明明張notice都唔係咁寫……)個recep姐姐話可以幫我地搵老師星期三朝早再黎上堂，但係都係要六點。我話好啦。到左星期二，我去問下係唔係真係有堂上(要六點起身真係唔係講笑ga嘛！)，點知佢話原來唔係星期三係星期二，即係堂已經上左！(唔係呀話……係咪玩我呀？？)

Spencer Plaza

講左Chennai唔係tourist attraction，當然weekend係冇咩好做啦。我星期六日連續兩日都只係去左呢個同酒店只係一條馬路之隔既spencer plaza……呢個building，真係好舊……



不過都有唔少野可以睇，有好大間bookstore。可惜呢期我冇咩心機睇書。所以行書局都冇收穫。



但係我買左pashmina俾媽媽同自己。唔算話真係好平但係一定平過香港先啦。我另外仲買左d t-shirt。d t-shirt就真係因為係好平所以買既。



個plaza入面都有冷氣，所以都okay。但係次次由酒店往返，雖然只係行一條馬路，但係我都流晒汗。因為天氣又熱，車又多，條馬路真係好難過……[呢度一條原本得三條lane既馬路可以五架車平排唔駛講，佢地仲要不停不停不停咁horn horn horn，horn到你頭都暈]







Melting pot vs Sharaton

夜晚要食飯問題唔大，除左0向自己住個間酒店食之外仲可以call酒店車送我地去附近既酒店食。但係lunch就有d難搞。同同事去過公司個canteen，叫melting pot，但係我真係唔可以0向個度食。我只係去行左一圈就成身都係佢d野食味。放棄。

好彩，個d成日0向度出job既同事搵到一d okay 既sandwich place。當中我最鍾意呢間，由office出黎行五分鐘左右。好味ga！