又係七月去美國之Miami - day 7

星期六同同事S去左另一個Mall -- Aventura。呢個mall就遠喇，要搭成50美金的士去ga！我地一到左，因為已經十一點幾就黎十二點，所以先醫肚。見到呢度有all day breakfast就梗係食呢間啦：



我個crab meat + asparagus egg white omelette，超好味！


同事S既blueberries pancake


食完之後我地分頭行街。點知呀老細又殺到喎。同事S唯有要陪老細行街。聽講佢要陪老細行D賣大肚婆既衫不待止，呀老細仲咩衫都會試俾佢睇下包括bikini。諗都諗到，見到大住個肚既老細in bikini應該都係一件好震撼既事。途中同事S移型換影，唔知點解變左我陪老細，不過好彩老細冇試D衫出黎我睇咋。陪老細行街既問題係，佢睇既Shop我真係一d都唔0岩睇，悶到我死。後來忍唔住經過Bare Essentials 入左去睇化妝品，都唔理得老細其實冇興趣(嘩陪左佢一輪，輪都輪到佢悶啦~)。obtw, 又買左唔少野=P

行完Bare Essentials老細又話要返去抖喇。唯有搭車返去酒店啦。到左晚飯呀老細都仲係未抖夠，所以難得係星期六但係竟然只係0向酒店對面Novecento食(明明通常最近酒店既餐廳會係留番第二個星期大家又冇得早放工又眼訓先食ga嘛~)。