France - experience

今次呢個trip做左好多之前冇做過既野，亦都有好多好值得要寫一寫既經歷：



睇芭蕾舞：

去左Palais Garnier睇芭蕾舞。今次係我第二次睇芭蕾舞，第一次係0向香港，我諗都有十年喇，上次係悶到差d訓著(定係真係恰著左？)。今次呢個叫 Hommage à Jerome Robbins。首先係，個劇院都好靚，而今次一d都唔悶喎，我都覺得好okay。可能係因為我地坐balcony又睇得到個樂隊啦~~









勁跑@巴黎：

個劇院除左入面靚之外，出面好靚，尤其係夜晚。但係我就一張相都映唔到loh，因為我地走既時候好趕呀。劇院0向巴黎，睇完之後我地要搭subway去火車站再搭成個鐘火車(再揸半個鐘車先返到屋企)，最大鑊係如果miss左一班車分分鐘係要等成個鐘。所以睇完ballet之後我地都冇等到拍完手就走左，仲要勁跑去subway。但係因為如果去最近個個station要轉車，所以係要跑去一個遠d既車站！唔好話映相，我係咁跑去到車站個陣個心好似可以0向個喉嚨度嘔出黎一樣……好彩，冇miss到班車……





清晨之驚嚇：

除左0向巴黎勁跑之外，仲有另一個無預計但係連個心都跳埋出黎既經歷。話說我地去克羅地亞係搭朝早十點既飛機。但係因為我地之前既行程太緊密，我地一路都冇book到的士去機場，到我地book既時候，之前問左價錢既公司又話已經fully booked。最後0向出發之前唔知兩日定三日先book左，又唔知點解個價錢平過之前個個好多……


總之最後黎到要出發既一日，第一件驚嚇既事係……我地唔知醒！我地醒個陣已經係差唔多同司機約好左個個時間，大家當然係好慌張咁起身。點知第二件驚嚇既事又黎……個司機過晒鐘都冇出現！又冇可能0向呢個時候先call過第二個的士……最後我地要上網睇下點樣搭subway去機場，之後又揸車去火車站出巴黎，再搭subway去機場，好彩都唔係好遲，因為我地一直都係諗住check in個luggage，所以放左唔少liquid，如果趕唔切又大鑊……

自製門鎖：

我地住左咁多晚民宿，有一晚就勁喇……個度門係可以0向出面鎖，但係0向入面係鎖唔到ga loh。但係因為我地都好攰，於是我地決定唔理，照訓，但係我地就放左張椅頂住度門，諗住如果真係有人闖入黎我地都可能會知gua(雖然我地應該都未必會知醒 =P)




騎馬仔：

仲要係0向個森林入面騎馬仔。原來我地book好左0向我返香港前兩日去騎，但係個日落毛毛雨，所以改左之後個日。好彩有改到而且之後個日又冇落雨咋，原來都幾難。佢唔會有人幫你拉住隻馬，而係佢幫你上左馬之後，佢有個人騎住馬帶你行，咁你就跟住佢行。雖然佢話d馬好乖，但係明顯佢蝦我地係初學，所以勁掛住食草。仲要每次佢dup低頭食草個條拉住佢既繩都會刮到我對手，最後我對手d皮都俾佢刮甩，痛到我眼水都流埋！但係要佢跑個陣又真係好爽~~原本我地話騎個半鐘，不過騎馬真係一種運動，攰，所以最後只係玩左一個鐘。