其實本來一黎到都已經飲唔少酒，通常食飯都會飲，不過我多數都係食晚飯先飲，而且通常都係飲一杯就收工，唔似得黎呢度日日都會飲，雖然大部份時間都係試酒，唔會飲好多，但係都足夠令我又敏感 -- 身痕。
除左食親晚飯都會要一杯黎飲下之外，我地仲特登去左……
其中一個0向Rue des Grands Crus既鎮仔，叫Gevrey-Chambertin。呢個鎮仔，其實係我是但指既，因為lonely planet冇話邊個鎮特別推介，而我上網睇左一大輪又好似個個鎮都差唔多咁……我地一早黎到呢個地方，唔駛半個鐘就望完成個鎮……因為地方實在係唔大。我地搵到唯一一間似係有野食既地方食早餐(後來發現原來呢度只係賣咖啡<不過晨早流流都有人黎飲啤酒>，我地要既麵包佢都係0向隔離間麵包鋪度買番黎)。再又0向周圍d種提子既地方逛左一陣，等到人地d酒窖開門，我地就去試酒……
除左去“運吉”之外(我地去左幾個酒窖最後都只係0向其中一間買左一枝酒)，我地仲去左一個wine tasting lunch。個間店叫Olivier Leffaive Frères。佢係你食每樣野既時候都會俾兩至三種酒你試，會介紹下d酒有咩唔同，同會問下你鍾意邊種。老實講係次次d酒個difference都好subtle，我頂多係可以講我鍾意邊種多d，但係我真係講唔出點解loh... =P 同埋我諗我都係鍾意食野多d，呢度d野都好好食，尤其係佢d cheese。順帶一提，原來呢度都有得住ga，不過我冇睇到貴唔貴loh~
呢個Rue des Grands Crus上面有兩個比較大既town，我地都有去到，第一個係Dijon。
第二個係Beaune。
0向呢兩個地方，我地兩晚既晚飯時間都有奇遇……0向Dijon我地去左一間叫Le Petit Roi de la Lune (the little king of the moon)既餐廳食飯。間餐廳同最熱鬧既廣場有少少距離，我地食完飯之後要行番去廣場個邊，穿過廣場再行先可以拎番架車。正當我地一路行一路好開心咁唔知講緊d咩既時候，突然有個人0向我地後面捉住我我地一人一邊手臂。真係嚇到我地兩個彈起。原來係我地後面有架好大架既垃圾車，而我地行得太慢阻住左佢。所以其中一個人行落黎嚇下我地……我地仲見到車上面個個司機都0向度笑我地loh(當然佢地講咩我地又唔知啦……)。搞到之後去停車場個陣都成日要回頭望，精神緊張……
Lonely planet強烈推介：Camembert frit avec gelée de mûre (Camembert wrapped in bread crumbs, fried, baked and then served with blackcurrent sauce)
第二晚我地去到Beaune既Le Bistrot Bourguignon食晚飯，一坐低就見到0向後面一對couple對住我地笑……原來佢地尋晚都係0向Le Petit Roi de la Lune 度食飯，唔知點解佢地會認得我地loh(我地就完全唔認得佢地)，不過我知點解我地會連續兩晚都0向同一個地方食飯，因為我地都係跟住Lonely Planet既介紹！ =P 下面呢張就係我地0向Dijon時映到個對couple(我地俾人佢地認出先發現... 哈哈)
0向Beaune我地仲去左Marché aux Vins，呢個係一個地下酒窖咁，俾錢入場之後佢會俾一隻用黎試酒既碟你(testevin)，你一路行就會見到唔同既酒可以試，我地又好似試左十幾種酒loh...
由於0岩0岩呢個時間係收成既季節，成日都見到Rue des Grands Crus兩旁有遊客參與採摘，我地冇參加但係0向我呢臨離開Rue des Grands Crus既時候見到“提子車”可以同佢地映相！真係好好彩，其實佢地0向我地映完相之後就要開走ga喇，好彩趕得切！
Burgundy既最後一站係Vézlelay，已經唔係0向Rue des Grands Crus上面，呢個地方最出名係個教堂。依家所見既部份又係重建過，仲有唔少部分係未重建既~~
Overview view of the Vallée de Cure and nearly villages, including St-Père-sous-Véselay
沒有留言:
張貼留言