個程由Plitvice Lake去Split既車，如果冇記錯足足坐左六個鐘。一早起身食完早餐就去搭車，除左沿途食左個雪糕就咩都冇食過……去到Split，settle down左住既地方都唔十分餓，而且都唔駛等多幾耐又食飯，所以都冇特別去搵野食。
首先去左附近海灘，呢張相映得幾好(Bacvice beach)不過個度d沙灘其實好一般loh~~
同埋唔知點解又要扮泳池……
然後我地黎到古城周圍行，都幾靚ga，話又係World Heritage Site喎。
我地行行下，行到就黎天黑個陣，下面相中黑色衫呢個人突然走埋黎問我地係咪香港人(但係佢明明佢似係當地人唔知點解會分到我地係香港人)。跟住佢開始同我地講廣東話。最初我地都同左佢講一陣，但係之後就發現大鑊，佢一路同我地行又唔走loh……但係佢講d野又有少少奇奇地woh，佢唱左光亮一隻歌既一段，仲話首歌其實係佢寫ga喎。佢又問我地係咪去食野，我地話自己未餓晏d先(但係明明冇食lunch所以好鬼餓loh)。後尾我地行左一個圈又返黎呢度，我個friend終於忍唔住話'nice to meet you...'。好彩佢真係走咋~嚇死~
之後我地都冇搵有咩食，就0向呢間0向個古城中間最當眼既餐廳食。之但係，呢間野係唔好食ga loh……食緊野既時候我地有討論過如果頭先個個人又行過咁佢會見到我地ga喎……不過後來我唔知佢有冇行過見到我地，只係我地走個陣行過一條小路就見到佢同其他人一齊，佢仲要用手遮住扮見唔到loh。
第二日一早我地又搭巴士南下喇！(真係搭長途巴士搭到嘔，鬼叫克羅地亞係一“條”好長既國家)
沒有留言:
張貼留言