第一日一去到NY就去左睇Chicago，都唔知係真係咁唔好睇定係佢唔係我鍾意睇既show定係我未適應到個時差，我基本上係訓左大半場=P
第二日再接再厲，仲睇左兩個Show，我諗我唔係因為jetlag lor，呢一日我自己一個人下晝睇完Phantom夜晚再睇gypsy，係有少少眼訓不過都睇得完全場無訓著喎！
Wicked係今期最hit既boardway shows。TKTS(即係賣平飛既地方)唔會有佢既飛就當然係唔駛講，仲連買張正價飛都好難。我試過去問，如果想買最平個兩種飛既話，就要買兩個月後既飛！不過原來仲有方法買即日既飛。方法一係當日五點左右去到theater，填張抽獎卷，六點個陣就會抽出廿幾個人，每人可以以正價買最平個種飛兩張。第二個方法就係我地用既方法，五點左右開始去theater個度排隊，佢間唔中就會有當晚既飛offer，基本上係冇限定你只可以買幾張，之不過佢只係得最貴個種飛。
入到場之後，發現係最好既位置，有理由相信呢d係原本agent標價三百幾美金但係賣唔出既VIP飛。當然我地係用原價百二蚊美金買啦。好彩係真係好睇咋。遲D要買番本原著黎睇！(原來原著既作者就係Confessions of an Ugly Stepsister個作者~)
原本睇左四套我都諗住收手ga喇，不過同事又話不如睇Avenue Q，其實呢套都唔錯，不過我都係鍾意wicked多d~ (但係我都真係好鍾意avenue Q入面個句名句："it sucks to be me~")
個人排名：Wicked > Gypsy > Avenue Q > Phantom > Chicago
原本我好想睇Rent，因為聽講都好睇而且後黎我發現佢做到九月初就唔再做喇！可惜係第一日0向TKTS見到有飛但係都係去左睇Chicago，之後都冇0向TKTS見到佢……
到左museum……喂喂喂唔好訓住。其實，行museum真係唔悶，之不過係好辛苦。要行一日喎，真係攰死。呢度d museum仲鬼咁大，搞到我成日都迷路，於是行既路又更加多……第一個去既係national museum of history and art，即係night in the museum既拍攝場地。於是我既主要目的就係去搵電影入面有出現過既境/物。行黎行去行左一整日！
第二個去既museum係metropolitan museum of art，亦係我去左既四個museum之中我最鍾意既一個。吸取左之前一日既教訓，與其自己行黎行去唔知做咩，我一去到就跟左個免費既tour，呢d tour係museum搵d讀art既人黎介紹，佢地會帶大家睇幾件展品同埋介紹下。之後我再行左一陣。雖然冇行晒個museum，不過有聽過下人地介紹d展品其實咪仲好。
0向metropolitan個條街有好多museum，我之後就黎左呢間Guggenheim Museum。呢間museum所有作品都係由一個人所作，入場有免費耳機介紹作品，但係我對呢度既鍾意程度只係一般，不過佢個天花真係幾靚~
最後一個museum係 museum of modern art (MoMA)，都係麻麻地…… (個人排名？之前d comment都好明顯啦~)
但係講到全個trip最令我滿意既，就當然係去Lincoln Center聽 Orchestra！會令我咁滿意既原因可能係因為我原本既期望唔係真係好大。我去呢個trip之前就已經睇緊有咩concert，但係我至鍾意既Joshua Bell又唔0向NY，連NY Philharmonic都唔0向NY，真係激死我！我睇左一輪先見到呢個好似都唔錯既Mostly Mozart Festival，又咁0岩0向我0向NY既最後一個星期分別有兩個唔同既表演。所以我就睇左一場，我睇呢一場既原因只係因為呢場彈Piano個個人似乎比較出名。不過果然真係好好聽呀(令我又覺得應該要彈番琴！)。
因為budget關係，我係買最平既飛，賣飛個個人話一係坐stage一係partial review，我就要左坐stage lor。我個位係0向個orchestra背面第一行，不過咁0岩角度關係都睇到呀指揮同個pianist，所以我都好滿意個位！仲有呢場個conductor只得廿二歲，好勁呀~(同千秋王子咪差唔多？！) 如果唔係臨飛之前個晚約左人食飯，我諗我會買飛聽埋另外個場！
沒有留言:
張貼留言