KL conference

其實我去完吉隆坡五日我都唔知佢係點既，因為個conference既行程實在係太緊密。朝早要早起身唔在講，d activity仲成日都搞到夜一夜，都冇幾多時間係出去玩。

星期日晨早搭機到吉隆坡，距離opening drinks仲有時間我地就去左酒店附近既商場個food court食lunch。食完抖左一陣就要去opening drinks。其實都好無聊。除左同左新BB吹左陣水，同埋同d我原來已經識得既人玩之外，新認識既人我大概係0向十五分鐘以後就唔記得左佢地個名同個樣。

經過幾日，到星期四已經攰到傻左。朝早聽d人講speech已經勁恰眼訓，仲訓著左好幾次。下晝又玩埋d無聊activity……整蛋糕。我個組仲都要係d奇人，三隻都係鬼，一d都唔好玩。同埋成個activity只可以用一個形容詞黎形容：'side'野。整完個蛋糕又冇人會食。'side'晒d野食……

Gala dinner 本身其實冇咩特別，不過有d人既打扮真係好好笑，有BB既巴斯光年，咁0岩又有人扮牛仔(胡迪)，仲有人扮matrix，聰明笨伯，古羅馬戰士，希臘女神……

不過要講到成個trip最令我“引以為傲”既事，就係我一路都冇“唱”到錢。次次都係厚顏無齒咁攤大手板問人拎。哈哈攤大手版問人拎真係好開心ga，雖然就算無論係邊個俾最後都係出公數。星期二個晚去到人多擠迫既China town，同事問我如果走失左咁點算。哈我又真係冇諗過喎。最後同事都係無話可說拎左廿蚊馬幣俾我旁身=P

0岩0岩番工既新同事都有去conference。不過我諗過左呢個conference之後佢會覺得我地個team人係痴線既。因為我地不停好招搖咁“撮合”左佢同仔仔好多日(其實唔關我事ga，我唔係好active咁玩ga咋~)。新同事個look都幾得ga。之但係到最後我地先發現……原來新同事已經結左婚！(咁佢唔帶戒子我地又點知……之後冇得玩lu~)