KL conference 之吃吃吃

吉隆坡好似冇咩特別出名，最出名既應該係食野。個個聽見我話去吉隆坡都係提到同一個字：食。

但係，呢幾日我成日都肚餓。雖然基本上一日係食足五餐，但係我都係食唔飽。首先係因為大部份時間都係0向酒店入面食自助餐。我又唔鐘意食自助餐……而且就算係自己出 去食，我都實在係有太多野要戒口唔食得。都唔怪得有香港同事0向最後一日見到我個陣話我：嘩冇見幾日做咩瘦左。梗係啦，日日都食唔飽……仲做左好多運動呀(詳情見行行行篇)！

好彩係頹頹既我遇著既係唔頹既同事。星期日一二呢三日有時間夜晚出去既個個都話要出去。日日都有去大排檔食野。但係同幾年前既新加坡之旅一樣，太熱太攰我又食唔落lu~再加上太多野唔食得。不過都有好食既野：有個類似炒河粉既野好食！仲有個唔知咩桔水都好好飲！

星期二個日去左china town，個樣有d似女人街咁。試左一檔伯伯賣既餅。唔知係咩餅但係好食喎，有d似格仔餅味但係個餅係軟身既，好食！

講到最令人唔滿意個一餐就係星期三晚既functional team dinner。顧名思義，係成個functional team一齊食飯，要諗d野黎同BB同其他SM吹水。仲要連D野都唔好食！我地去左附近另一間酒店既自助餐(又係自助餐！)，仲要唔係好得既自助餐喎。老實，大家都話寧願0向我地住個間酒店個度食好過。