今日去左西班牙南部一個叫直布羅陀既地方。呢個地方原來仲係英國既殖民地。圖中遠處個個就係Gibraltar喇。
經過左兩個好頹既custom，就黎到英國既領土。呢度其實係西班牙最近北非既地方。相隔只係14公里。
而另一邊就望番西班牙……
St. Michael Cave係一個鐘乳石洞，唔係十分之大不過入面竟然有個表演場地。但係如果睇睇下表演有水滴落黎都真係幾難受……
呢種係北非先有(但係呢到又有~)既……好似係短尾毛。有一隻細既0向我映相唔郁個陣想跳上黎我度，點知咁0岩0向佢跳過黎個陣我又咁0岩郁左一下，佢撲個空就跌左落地，真係唔好意思。
仲食左好好食(同埋好貴)既fish & chips！=)
Sevilla
西班牙最後一個城市塞維爾。亦係西班牙第四大城市，flamemgo同鬥牛既發源地。呢個係黃金塔(Torre del Oro)，原本仲有個銀色既0向河既對岸，不過已經被拆左lu~0向黃金塔附近有個鬥牛場(叫Plaza de Toros de la Real Maestranza)，同埋著名故事卡門入面個卡門既雕像。
呢間係西班牙最大規模既教堂，係世界第三大教堂，排0向羅馬聖彼德大教堂同倫敦聖保羅大教堂之後(yeah，我儲齊三大喇 =P)。亦會間唔久出現0向瞬間看地球既地方之一！
Sevilla 既西班牙廣場，係最靚既一個。
連個地下都靚d……
冬天唔係鬥牛既季節，不過flamemgo就日日都有得睇。呢晚就去左之前提過既鬥牛場附近睇。佢地真係跳到身水身汗好落力咁ga喎。雖然唔知每隻舞既故仔有咩分別(因為除左卡門之外咩都唔識！)，不過都好睇。
呢個人一出場個陣媽媽已經話：呢個個樣okay喎。果然原來佢係當地其中一個出名既表演者喎……
沒有留言:
張貼留言