第一日既第一個景點其實唔係呢度，原本係西班牙民族村既，不過聽個名都知，其實個度就好似世界之窗咁，都係模仿d著名既建築，所以我地都係由第二個行程講起！雖然呢個行程都係冇咩特別野睇：92年世運會競技場。都係到此一遊咁啦。
西班牙同葡萄牙，令人最能夠聯想起既就係航海，最出名既歷史人物都好似只係得哥倫布。所以除左西班牙有N個西班牙廣場之外，呢兩個地方都有N個哥倫布紀念碑。其中呢個咪就係0向巴塞隆那個一個lor：
巴塞隆那同好多歐洲城市一樣，大部份建築物都仲係維持住呢個古舊既外表。聽講好多歐洲國家都有維持呢d古舊建築既措施。好鐘意呢d小露台。呢d小露台都有好多唔同既欄杆。我見到有人企0向個露台傾電話，好似好高興咁ga喎。仲有呢期聖誕節，好多人都掛d聖誕裝飾，我最鐘意就係佢地掛個聖誕老人出黎，好似聖誕老人爬緊上去派禮物(亦都好似有個賊仔著到好似聖誕老人咁去爆竊=P)。
呢個係奎爾公園(Parc Guell)。原本係有錢人奎爾斥資興建既私人住宅，但係起到佢死左都未起好，最後爛尾就成為左依家既公園。負責呢個公園既建築師係當地好出名既高第(Antoni Gaudi Cornet)。之後0向巴塞隆去既好多地方都係佢負責既~
呢條係水源守護者蜥蝪，亦係公園既象徵物
好似話呢間糖果屋高第都住過ga喎
呢個景其實唔係好靚，影佢既原因主要係因為佢係著名台劇流星花園2拍攝場景之一……
呢“條”凳顏色好靚ga，不過我影唔到 =P
呢個係尚未完成既大教堂(Templo Expiatorio de la Sagrada Familia)。個教堂由1882年已經開始興建，第二年開始由Gaudi接手興建。不過到佢死都未起好。正確黎講，係到依家都未起好。
呢個係近期先起好既一面：“耶穌受難”
呢面就係最初Gaudi仲在生時起好既“耶穌誕生”既一面，據講話Gaudi其實係自己企0向呢一個立面既時候俾電車撞倒，後因為太遲先有人救治致死既：
仲有一面係“天國榮耀”，係唔知幾時先會起好。不過好明顯到你同我死個日都唔會見得到lor。
沒有留言:
張貼留言